مجموعة مسجات للجوال

محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار



غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك



ما كل عين تذرف الدمع بأحزان
وما كل من يضحك يعيش بسعاده
كم واحد دمعة على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده



كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك



اشتقت لأيامك وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرها غلاته



سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس



ليتك يا ريف النشاما لنا جار
يوم اجيك ويم مثله تجيني
وليت المسافة بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني



لولا اختلاف أذواق وأذواق وأذواق
ما شفت أجمل من جرحني غيابه
يا أعذب وأرق من الندى عند الاشراق
وألطف من النسناس لا سرج ركابه
تدري وش اللي محرق قلبي احراق
انك بعيد وحزن الأيام غابه



يوم ما تنشد عن أحوالي
أقضي الساعات مهموم
غيرك مالنا غالي
واهتمامي فيك ملزوم
افرح بهاتفك ليا جاني
جايب لي منك العلوم
أو مسج يخطر لك في بالي
ترسله لو كنت مزحوم
محدن في ذا الزمن خالي
كلن يقاس ومهموم



بحق الحب سيري يا حمامه
لطيف الروح هاتيلي سلامه
وودي له تحيات المودة
على الطايروهاتيلي كلامه
وقولي له ترى هجره سطا بي
وفي قلبي من الهجران شامه



لا كتبت اسمك تزين لي الحروف
ولا نطقته صار في لساني حلا
صدق أنا أحبك ولكن فيني خوف
خوف نتفارق بعد ذاك الغلا
لا تقابلنا يسكنا ال**وف
ضاعت الكلمات مني يا غلا
كانت الكلمات في لساني ألوف
ويوم شفتك ما ذكرت إلا هلا



افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك



انا غريب الدار من بعد فرقاك
وانا سعيد الحظ لاصرت جنبي
يا صاحبي روح وفكري تمناك
من وين ما اوجه اشوفك بدربي
يا ليتني دايم على طول وياك
ارتاح في شوفك ويرتاح قلبي



طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالأيام مره



سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان



ودي أكتب والقلم عيا يطيع
مدري الأشواق والا انت السبب
كيف أعبر والحكي مني يضيع
اسعفيني يا قواميس العرب
يا حروفي اشعر بشي فظيع
في خفوقي نار وأشواقي لهب
هذي أقلامي ب**رها جميع
في سكوتي تصبح أشواقي ذهب



أخــذت حـبـي وودي
وكـل أحاسيسي الرقـيقة
تـرى قلـبي على قـدي
وانـت دلـيت طـريقـة
تـبي جـوابــي وردي
ومشـاعري عـالحـقيقة
لـو هي ظـروفي بيـدي
مـا اغيـب عنـك دقـيقة




أبيك تصدق إنك لو تغيب
العمر ماأنساك
وابرسم للعلا صوره
ملامحها انا وياك



شاركني القلم في حبك
فصار مايكتب الا اسمك
فصابتني الغيره
و**رته لاجلك




محد كتب أحبك وكان
عارف معناها
بس أناكتبت أحبك
وبالوفا سطرت أحلى
معانيها



ياصاحبي ظلمة الايام
بلياك ونورها لما نفرح
بلقاك مهما تغيب لك خل
ماينساك



أنا لست
أحد سلاطين الحب
ولاملكا من الملوك
ولا املك عصا سحريه
كي
"أجبرك لمحبتي"
ولكنني "عاشق" مرهف
الاحساس
لا املك كايملكه غيري من
مال اوجاه
لكنني املك!
" حب "
أتحدى به كل العشاق
على مر العصور!



يعلم الله أن في هالدنيا
الناس اشكال واجنا
منهم تشوفهم مره.. و
تنساهم بالمره.. وناس
تلقاهم صدفه.. وماتقدر
تنساهم بالمره..!!



نشري رضاك وخاطرك مانبيعـــه
حبك هوى نفسي وشوفك متاعي
وأشواق قلبي تندفع لك سريعــه
وأنا على شانك سريع إندفاعـــي
أمرك يلبيه الخفوق ويطيعــــــه
لو في حلات النوم فزيت واعـــي
حب البشر لو تجمعونه جميعــه
حبي لك أكبر والوفا من اطباعــي


**********************************************
باقي على عهد الوفاء ما اقدر أنساك
حبيبك اللي لو أقفوا الناس جالك
مثلي مثل خاتم تحطه بيمنــــاك
وتحركه وشلون ماهو صفــــــــــاك
صدقني إنك لو تبي القلب يفــــداك
أقولها من جـــــد قلبي حلالــــــــك

*********************************************

أمنتك الله لايطول غيابـــــــــــك
وش تنفع الدنيا بليا وجــــــــودك
يمكن غيابي ما يسبب عـــــــذابك
لكن عذابي ياعذابي صــــــــدودك
حاسب ضميرك لا تعجل عتابـــــك
وين الاماني وين باقي وعـــــــودك
خللك مع اللي للمعزه حذابــــــك
وابعد عن اللي بالمهانه يــــــــزودك


**********************************************
أتعبت قلبي من جفاك وتغليــــــــــك
وتاهت بي الشرهه ولا أحد ذكــــــــرها
المشكله قلبي حلف مايخليـــــــــــــــك
ومدري متى ظروفك توقف ضـــــررها
قلبي وعقلي والمشاعر تباريــــــــــــك
روحي هوت روحك وحبك سحـــــــرها
الذنب ذنب الحب ماهو بخافيـــــــك
هذا خطاء نفسي وهذا قـــــــــــــــدرها

**********************************************

ضاق الوجود وهمي بداخلي ضاق
وعجزت أداوي في خفوقي سهومه
ياليت حلم البارحه مابعد فاق
سبب على قلبي هموما تسومه
أبكي واخايل بالسماء نوض براق
يمكن لعل المزن تجلب علومه

ماتت بقلبـي الأسئلـة
ومابقى الا ســؤال
عيا بقلبي لا يمـــوت !


واليوم ودي اسألك ..

( وش ياحبيبــــي غيّرك ؟ )

من غير ذنب وبلا سبب "" عذبتنـــــي ""

و رغم الألـــم ...


تصــــدق ..








*/\/ اشتقــت لــك /\/*







تدري وش كثر أحبكّ ؟
كثر البشر..
كثر النجوم..
كثر الزهر..

تدري وش كثر شوقي ؟
شوق الجفاف لقطرة مطر..
شوق البرد لحرقة جمر..

تدري وش تكون لي ؟
انت الحياة..
وانت العمر..
انت القمر..
وشمس الظهر..

خوفي لوغبت أغيب
ويختفي بليلي البدر..






لا تنبهر ما جـاك من حبي قليل
أنت تستاهــل وانا طبعي كريم
يابديل آية صاغها الرب العظيم
لو يشوفك فاقــد العقل الهبيل
صار مامثله بهالدنيا حكــيم
يكفي انك صرت للشمس البديل
والقمر في غيبتك يصبح يتـيم






مقدر أحبـك أكثر من حدود الغـلا
يكفـي إني أحبك باللي أقدر عليـه
كيف أحبـك و قلبي بالغـرام امتلا
وش تبي منه أكثر وأنت كل شي فيه






أحبك حب من عندك الى أبعد حدود الكون
أحبك و مابعد شفتك و تعيش بداخلي صورة
أصوّرها حسب فكري و أزيّنها لحن وافنون
أموت أحيا بحر حبك أخوض الموج و بحوره





"أنساك" كلمة مالها أية وجود بمرجعي
والقلب لامنه نوى غيرك حبيبي بمنعه
تنتابني ذكراك بين "لاوعي" و"اللاوعي"
ماكنك الا بحر حلمي والمشاعر اشرعة





الا انت بالذات ما ودي تكلمني
او تكتب رســـالة او تشرح ظروفك
يكفيك يا نور عيني بس تعلمني
وين انت؟وانا ارخص الغالي على شوفك





اثلجت صدري باتصالك
واطفيت نار الشوق يا ذوق
كلمة > "حبيبي كيف حالك" <
بي حلقت يا سيدي فوق





أشـره على اللي في فؤادي مكانه
لا شك اذا أبطى وصوته فقدته
شـرهة غلا..
شـرهة عتب..
أو ميـــانه..
أخـتر وش الي يعجبك لو كـتبته
بس المهم تدري وصالك
أمـــــــانه
وإنت الذي هـم الأمانه حملـــته !!





خذ من ضلوعي:
ما يليق بمقامك
ماشوف غيـرك
غالي في ضلوعي

خذ قلبي :
ولعته بدنيا غرامك
عبر بفرحة
شوفتك بالدموعـي

تسري بي الذكرى
لماضي كلامك
لابد وإن طال الزمن
من ~® رجوعي ®~





انا المجنون في حبك
وعلى حبك انا مفطور
ولقيت الصمت يحكمني
اذا جـا للهوى طاري
يبان العشق في عيني
واحسبه داخلي مغمور
ويفضحني مع العالم
ولا ينفع به انكـاري





والله لزعل كل هالناس "وارضيك"
وامشي معك لو حالوا الناس "دونك"
يامن ملكت القلب بالروح "لـفديك"
انا معـك لا تفكــر اني "بخونك"
بعت البشر وفي زحمت الناس "شاريك"
وكرهت ناس(ن) بالزمن "يكرهونك"





سرى بي هاجس الذكرى على متن الخيال وهام
يرد الذهن لأيام تعدتني لياليها
أضم الطيف بعيوني واعانق ساري الأنسام
و أردد نغمه الماضي على قلبي وأغنيها
" يا ليل الغريب اللي سهر ما نام "
تذكرله على بعد المسافه عين يغليها




لاتلمس الجرح خل الجرح وأسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم مسجون بيديني..

..

أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!

لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..

الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني!

من يقول اني بنسيانك نويت
وإن تناسيتك يذكرني التعب
مستحيل أنساك لوحتى قويت
وإن قويت أنساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب ومالقيت
وان لقيت العيب يعجبني عجب!

المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها

حقيقه صفحتىبيضا
ولاعمرىجرحت انسان
اساير وقتي القاسىبظلم وغيظ عدواني
ولا أذكر شكيت الحال لأي انسان مهما كان
أخفىقصة الحرمان عن القاصي وعن الدانى
أجامل وابتسم للناس وانا كلىشقىوأحزان
اقاوم دمعي ولكن عيوني حيل تفضحني

أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام!

إن غبت عني تظلم الداروالحي
وإن غاب غيرك ماعسرني غيابه
أنابدونك زهرة مالهاري بين الهشيم
وتستغيث بسحابة
مصفرة الأوراق مقطوعة الفي
يبكي لهاسيح القصيم وجباله
النارتكوي ضامري بالغلا كي
الفكر مشتت وفاقدصوابه

تزعل علي وانا الذي منك زعلان~
وارضيك لوحقي عليك اشتكيلك
احيان اجي ضدك واجي بصفك احيان~
تطيح من عيني وقلبي يشيلك
ان غبت عنك ردني الشوق ولهان~
وان غبت عني ما ادور بديلك~

خيط الأمــــل يبقى أمــــــــــل لو كان خيط العنكبوت
واللي عرف درب الــــغلا ماكـــل شيئ يزعلـــــــه
إن كان يحيك الــــــــــــوله فأنا على وصلك أموت
لعيون باكر يومنا شوق ومحـــــــاذير وولـــــــــه


إبي أعرف بقلبك وش مكاني~
وأبي أسمع احبك لو دقايق~
تكلمي ياحياتي بس ثواني~
وزيل الشك من قلبي حقيقه~
تكلمي وابعدي الهوجاس عني~
وبعلا صوتك رددي الحقيقه~
ترى يازين ماجاني كفاني~
عذاب الصمت من يقدر يطيقه


كم من حبيب عن حبيبه تخلى..
هذا نسى حبه وهذا مفارق..
ولا انت حبك بالضماير تولاّ..
وأخذ على قلبي عهود ووثايق..
وأستبشر الخاطر بحبك وهلاّ..
بشرى السجين بيوم فك الغلايق..
سوالف من سمعها مايملاّ.
ينسى العنا والهم لو كان ضايق..

ترمي الكلام
تظن قلبي
بيجهلك..
اصعب كلام،،
اللي جروحه "ماتـــــــــــروح"
دايم افكر كيف "اوصـــــــــــــلك"
وانت تفكر كيف تهديني "الجــــروح"


كلمةأحبك غاليه بين الأحباب.
لاقالها خلي أحس بغلاها.
أعطش لها دايم وأدور لها أسباب.
أبيه ينطقهايردد صداهاكن العسل من شفته فوقها ذاب.
زود على كلمة أحبك حلاها
ياليتني وياه في صفحة كتاب.
قصة غرام وكل عاشق قراها

أشره عليك وتحسب أني مجافيك
وأغيب عنك وتحسب أنه تغلي
مهوجفا ياصاحبي يوم ماجيك
مالي بغيرك يابعد كل من لي
لاوالذي سواك محد يساويك
غلاك ماخلى لغيرك محلي
أن غبت بالوجدان روحي تناديك
وأن جيتني كل المشاعرتهلي


لاتشتري من حاولويخسرونك
ولاتخسرالي فكر
بيوم يشريك
مافيه اجمل من صديق
يصونك
ولافيه اقسامن قريب
يعاديك
اكبر خطانسيان من
يذكرونك
اجمل امل حب جديد
يناديك
اكبر قهر لاصار ناس
يبونك
وانته تبيهم بس حظك
لعب فيك

مايصير انساك لا مايصير
وفي خفوقي لك محبة
واحترام
قبلك الدنيا مثل حلم صغير
وعقبك الدنيا غرام في
غرام
انت مثل النور في عين الضرير
لا لمحتك مابقى حولي
ظلام
فيك عمري فيك روحي والمصير
فيك كل ايام عمري والسلام

حبــك اللي تدعـــي هو حب ذاتك
ومن يحب الذات مايخلص لغيره
غرنــي فيــك ظـــاهـــر صفاتــك
غــلطــتي ياللأسف كانت كبيـره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره

ياشوق خبرني
عن اللي أنا أغليه ..
عن واحد روحي
بحبه شغوفه ..
أغليه انا من بد
الخلايق وأفديه ..
أحس للفرحة طعم
يوم اشوفه ..
يطلب عيوني ..
يطلب القلب ..
وأعطيـــــــــه
أرهن حياتي بين
ضمة "كفوفة"


حاولت ..
في قلبي وأنا أقول أبنساك
وأعيش ..
دنيا في حياتي جديدة
أثر ..
الغلا ماتعجبه غير دنياك
والقلب..
غيرك ماسكن في وريده
اشتقت ..
لعيونك وصوتك ونجواك
واشتقت ..
لضروفك ولو هي عنبدة


أعزك كثر ماهلت عيون اليتيم دموع
أعزك كثر ماذقت الطعون وقلة الراحه
أعزك كثر شكوى الفقير وضايقات الجوع
أعزك كثر مابحر الغرام يضيع سباحه
أعزك كثر مايصعب على الشفه تحب الكوع
أعزك كثر مايفرك نديم الهم مسباحه

لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق

دام الأماني ماتجي لي على كيف..
ليه أجرح نظرتك بان**اري.
الصبر ظالم والزمن سطوته سيف
ولاباقي عمر يشيل انتظاري..!


أبيك تدري صوتك العذب لاغاب,,
أحس نفسي تن**ر من غيابه..
أدمنت صوتك وان تثيقلت كذاب..
من يعشقك لاغبت يفقد صوابه..
علمتني ان الوفا طبع الأحباب
ورسمت عمري وردتين وسحابه

تعرف
وش العذاب
على أصوله..؟
العذاب
انك تحب
انسان مايعرف
غلاتك؟؟
العذاب انك
تحب انسان
يتجاهل حدودك!!
العذاب انك
تعذب كل
قلب يشوف
قلبك..!
العذاب تعيش
بعالمك
من دون حب!!
العذاب يموت
قلبك ولا احد
يعرف بموته..!

ناد الحبيب الي توده وتغليه..
مادمت حي ودام عينك تشوفه..
لوصد يشفع له حلو ماضيه
وحقه عليك إنك تقدر ظروفه..
بإختـــــصــار
شخص عطاني وده أبد
مانيب ناسيه..
ومن شرى ودي..
أنا دايم الدوم شاريه..

مقدار حبي عالم فيه ربي..
ولا الموازين لغرامي ظلومه..!
لا.. لاتقارن حب أمك بحبي..
أخاف من عينك تطيح الأمومه!!

كيف الفرح لامن بدا يظهر
على غيمة حزن؟
وكيف الأمل والتشاؤم يتفق..؟
وكيف القمر والشمس في وقت واحد
تجتمع..
كيف انت وكيف أنا؟؟
وكيف الطريق يضمنا؟
بس المهم إني اقول:
حبك أمل
حبك فرح
حبك وسام أتقلده
وهذا الأهم..


أنا الغلا وأكثر من الناس مغليك..
أنا الوفاء رغم الجفاء جيت شاريك..
أنا السهر لاغبت عيني تراعيك..
وأنا الذي لاضاق صدرك يسليك..
ابختصرها وأعترف جيت هاويك..
أنا غرامك بس في صورة انسان يغليك

في غيابك صار لي شي كثير..
قصتي قصه وكيف ابدا بها..
طال ليل كان بعيوني قصير
وكل ذكرى دق فكري بابها..
وصفي أصبح بعد غيبتكم خطير..
والليالي ماحسبت حسابها
ياوداد النفس ياحبي الكبير
يامناة الروح وأغلى أحبابها

تقول الناس عينك وش بلاها
على خدك تنثر كل ماها..؟؟
صحيح الناس مايدرون عني
ولاحسوا دموعي وش وراها..؟
ولايدرون ليش أسهر لحالي..
ولايدرون حالي وش براها
ولاعاشوا دقيقه في عذابي..
لأن النار تحرق من وطاها..!

قلي من الي يحمل الهم عني..
لاغبت لحظه عن عيوني وقفيت..
ليه العناد وليه كل التجني..؟
أنا أشهد إنك في حياتي تماديت..
إن كان قصدك بالغلا تمتحني..
انت الوحيد بداخل القلب لك بيت..

في خاطري شي ودي أقوله..
مدري تصدقني أو تقول كذاب..
قلبي يحسك دايم الدوم حوله..
مع كل دقه يذكرك يا أغلى الأحباب..
تدري عليك الروح بالحيل توله..
وتدري بعد طيفك عن العين ماغاب..

وا عذاب الحشا من غيبة
أحبابه
يزيد جرحه مع الأيــام
تعذيبه
والوجد ناره بوسط الجوف
شبابه
حرق خفوقي وشبـت بي
لواهيبه
مدري على الله متى بيرد
وأهنابه
وأفرح بشوفه وأرحبــه
وأهليبه

تقولي مغــــرور
إيه والله من حقي أنغر
أنتي تحـــــبيني
وأنا شفت حـــالي
لا الحب قاصــرني
ولا الشوق قصـــر
كل ما وحشـــتيني
لقيــتك في بــالي
معــذور لو قــلبي
في حبــك تكـــبر
ما عـــاد في نبضه
ودمــــه يبــالي


تعبت ادورك في قلبي وفي صدري
سنتين ولا كن في قلبك لهن طاري
ياقلبي اللي ولاهو قابلن عذري
ويسنيني ياللي ولاهي قابله اعذاري
لاقلت : الايام راحت قالي : بدري
وان قلت : الايام تركض قال : انا داري
مايسمع الصوت منهو مادرى بأمري
ولو ارفع الصوت واهيجن وانشد اشعاري
اللي خذاني واخذ روحي وهو يدري
مع مر الايام تغير وانكر اسراري

انت عمري لوفقدتــــك
مابقى لعمري وجــــود
وين أروح بكل حبـــي
وانت لاوطانه امـــــان
ما لحبك يا عيوني في
طرف عيني جحـــــــود
لونسيتك ما بقــــــــالي
في هل عالم مكـــــان
لوبرق شوقك يـنــادي
جاوبه شوقي رعـــود
انت كل الناس عــنـدي
يا بعد كل الـزمــــــان

نادني لاضاقت الدنيا عليك
نادني وأبشر بفزعاتي معك
لاتحسب اللي ذبحته بيديك
وقت ماتنخاه يقسى ويمنعك


تفضل ترى بالقلب دارك
ومنزالك
على ماتجي نفسي تجي
وانت راعيها
ترفق بقلب صرت تلعب به
لحالك
يقول القصايد وانت بعده
تغنيها
أحبك واحب أسمك
ورقمك وجوالك
وأحب الديار اللي
رجولك مشت فيها


((شــلــون أعــيــش)) اللي بقالي بــلــيـــاك
لامن غدينا كل واحد بوادي..!
أعلنت حبك لين:
((كل تمناك))
غلطه وغيري من خطاي أستفادي
حلوه (عذاريبك).. وحلوه مزاياك..
حتى بيوم فراقنا كنت :
" هادي"..!


بين المحال وبين تحقيق الامال ~~
مثل الذي بالضبط بيني وبينك ~~
بين الشقا والجرح والدمع والحال ~~
عشره متينه وثقتها سنينك ~~
عزفت في روحي من الوجد موال ~~
روح" تلاعبها بنامل يدينـــــــــــــــك ~~

انا مقدر على الفرقا ولكن الزمن غدار...
بعيد عن بعضنا و المسافه بينك و بيني...
دموعي حرقت خدي واشوفك قاسي جبار...
غرامك مالك قلبي و ضاقت به شراييني...
جريح و حالتي صعبه طبيب العلم في أحتار...

ابي اكتب قصيدة حب ابي تفهم معانيها
اريدك بين هالعالم تفاخر يوم تقراها
ابيك لحرفها تطرب ابي غيرك يغنيها
ابي لامن سالك انسان من اللي فيك سواها
تقول اللي سكن قلبي وروحه لي مهديها . .

أنارفيق الجرح من صغر سني
والجرح له في داخلي ألف عنوان
ياسيدي هم البشرصار مني
واصحبت تمثال لهموم إنسان
كل الوجيه تشابهت حد ظني
ماعدت أمي**ين صادق وخوان
ياصاحبي لاتنشد الجرح عني
كل السوالف كذب صمت وحرمان

بنسااك ياجارح القـــلب
بنسـاك
وانسى حبيب كان بالأمـس
يغلـيك
برحل عسى الأيام فينــي
توريك
كلي أسف من ماضي كنـت
ويـاك
خسارة إني كنت في يــوم
هاويك



يفز قلبي كل ما مر
طاريه
فزه يتيم شاف من تشبه
أمه
تذكر أمه يوم كانت تناديه
وحس بجفاها يوم عيت
تضمه
مرت سنه من موتها من
يراعيه
والدمع ما قدر كفوف تلمه
أبوه مات من الحزن من
يواسيه
في هالزمن يا نامن منهو
يلمه

تبتعد عني وأنا أحبك وأبيك
راجي قربك عسى حلمى قريب
ماتعرف أني أود أني أجيك
مايهم الموت دونك يالحبيب
أعرف أني بالمحبة مهتويك
والعذاب أغليه لوأنه صعيب
طحت في حبك ولازلت أرتجيك
من عذابي عشت بفراقك غريب

عرفت فيك حلو اللقى
وعرفت فيك مر الفراق
الله يصبرني عليك
مال الحياة دونك مذاق
ماعاد لي منك هروب
ضاقت علي كل الدروب
يااحلى بشرفي ناظري حبك تملك خاطري،
آن الأوان جيت اعترف ولأجل تعرف إني
أغليك

طال ليلي وأتحرى لي رفيق
واحديضحك معي وأضحك معه.
صاحب لاصاروسط القلب ضيق
بالسوالف والمزايح وسعه.
وإن حكى بإسلوبه العذب الرقيق
يسرق من الصدرقلب يسمعه.
وإن سهى خلى المشاعرتستفيق
وإن صحى ماضاع مني جمعه


خذني معك لاتخليني وحيد
تبرى جروح في حشايا عميقه
خايف من الزمن ياخذك
لبعيد
تنسى هوى روح بودك غريقه
خذني معك لأي درب تريد
مسأل أنا وش نهايه طريقه
مقوى الجفالوكان قلبي حديد
فرقا عشير بالملا من يطيقه

من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها


كنت جالس أنا والبحر والليل ونجومه
نسامر بعضنا والكل يحكي بهمومه
ولما جاء دوري بالحكي فجأه؟؟
هاج البحر وهات أمواجه
وضاق الليل واختفت نجومه
والقمر تخبى تحت سحابه
كلهم يقولون..
يكفي كلام عنه وعن أشواقه

طلبتك يالغرام الي جعل وسك الجسد روحين
وقلب ينبض بحبك ونبضاته ينادونك
إذا مريت في بالك تذكر يالغلا شيئين:
محب عاش لعيونك..
ومات لخاطر عيونك..!

يامن سكنت أجمل زوايا كياني
ياما على نفسي عشانه تحاملت
مرات أحس انك شخص ثاني
ومرات احس انك حبيبي ولازلت
عشان ماضيك الجميل وعشاني
حاول تشيل من الوفا ربع ماشلت!!

أمانة الله عليك ان غبت عن عيني
لايصير قلبك مثل قلب الزمن جافي
مع كل دمعة تذكر عشرة سنيني
ومع كل بسمة تذكر قلبي الغافي
تقول ان الهم
"يوم انك تخليني"
وأقولك :
"ترى"
الهم زايل مادمت لي وافي

عزّاه ياقلب ظروفه تحداه
مامر به يوم من الهم سالي
وعزّاه ياقلب فقد كل قواه
وزادت عليه الحمل سود الليالي
على حبيب مابقى غير ذكراه
الي بنومي شفت زوله قبالي
وفزيت من نومي أبي القرب وياه
وجدت نفسي في فراشي لحالي

المشكـلـه مــا هـو بقـصـدي جـفــاهـا
المـشكــلـه قـلـبـي تـعــود عــلـيـــهـا
راحت وقـلـبـي راح يـمـشـي وراهــا
من دون ما أشعـر كل ما ابعـد أجيها
حـبـيـبـتي لـو كــان تعـرف غــلاهــا
أحـبـهــا يــا نـــاس وأمـــوت فـيـهـا
الـمـشـكـلـه بالضـبط ما هـو خطاهـا
خـطـا الـخـفـوق اللـي تعـود عـلـيهـا



أنـت العـزيـز اللي عـلى العـز مـرباك
وأنت القصيد اللي عـلى القاف موزون
وأنت الوفـي يـوم الوفا مـن سـجـايـاك
وانـت الـغـلا يـوم الغلا فـيك مجـنـون



* وحـشـتـنـي *
كثر ما ضمت مياه
البحر شواطيها

* وحـشـتـنـي *
كثر ساعاتي دقايقها
وثـوانـيـهـا

* بخـتـصـار *
ترى الدنيا بلا شوفـك يتم الحزن
يطويها مثل غـيمه أنت تمطر
عـلى الدنيا وتحييها



ســلامـة رمـاحـك الــلـي جـرحـها غـالــي
طـعـنـتـني غـاضـب لـين أنـكـسـر رمـحـك
يـاليـت لـي ذنـب وألـقـى عــلـقـمـك حـالـي
وياليت بك عـدل وأرضى في الهـوى ذبحك
يـا ســيــدي وأن نـويـت تـزيــد غـربــالـي
قــلي وأنـا أبعـد ظلامي عـن سنا صـبحـك



أكـتـبـيـنـي حــــب
وبـكـتــبـك نـجـمـه
بعيده فوق
أرسـمـيـني قـلب
وبـرسـمـك
ورده ريحها ذوق
مع كل الألم
أحبك
مع كل الأمل
أحبك
مع كل الوجود
أحبك
أحـبـك .. أحـبـك .. أحـبـك



حاولت ألعــب لعـبـتـك
وأظهـر بصـورة مـلاك
وألبس ثـوب الـثـعـالب
حتى أوصل مســتـواك
أنـا مــو ســيء أبــــد
لكن أسـلـوبك جـبـرني
ألـبـس الآف الــوجـوه
حتى أخدع من خدعني
واذا انــت أذكـى مـني
مــنـك أتـعـلــم ذكـــاء
أضـحـك وأبكي كــذب
وألعـب أدوار الـدهــاء



ودي أرحـل وأمتـطي بعـد الـمسافـه
وآصـل المقـصود لـو خــان الـزمان
وأعـشق التجـديف لـو جاني كـلافـه
وأجعـل من الخوف فـي لـيلي أمـان
وأسقي العـطشان في صحرا جفـافه
واتـعـنـا لـه لـو بــأقـصـى مــكــان



حبيبي والـوفـا كـفــه يـجـيـب الغـيم جـلاســـه
حبيبي والـشــفــق يبكي لعـيـون تامر وتـنـهـيه
فـديت ارض بهـا مآطى خطاوي كـنها الماسه
فديت أول وفـا وآخــر حـبـيـب دنيتي تــفـديـه



عاهدت نفسي ياهوى البال
منســـــاك
وأنت بكيــــفك لو تناسيت
مسموووح



أطوي الظلماء وعيت تنطوي
وأشتهيت الشوف بعيون الضرير
مثل طير طاح بيدين بدوي
يلعن الطيحه ولا يقوى المطير
كل يوم أقول باكر تستوي
وخاب ظني بالزمان وبالمصير
من شرب من كف غيره ماروي
لعنبو كف على المده قصير



قلبي قسمته ياهوى البال بالنص
نصفه بجوفي وأنت بيديك نصه
لا غبت عني يبتدي الحال ينقص
وأسهر وتبدالي مع الأحزان قصه
ياليتني في لجنة التعليم مختص
والله لحط لمنهج الحب حصه



ياقلب لا تشقى وراء كل مزيون
مالك على الخلايق مقاله
لا تشتكي يا قلب للناس يدرون
والناس عن شكواك مالك وماله
ياقلب وشبك دايم الدوم محزون
خلك بفالك وأترك اللي بفاله
الحب يا هل الحب راعيه مجنون
ينسى أبوه ثم عمه وخاله



ماهو بكيفي أعلن الحرب وياك
لو قام عقلي قام قلبي يصده
والله أحبك صدق وش فيك وش جاك
أبغى المحبه بس من غير شده
ولا جاك غيري لا تحبه ليا جاك
تكفى طلبتك ألعن أبو جد جده



وشهو يعني لو نقص عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده يهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان



لك في خفوقي ألف مرسى للإبحار
شد الشراع وشيل مرسى السفينه
أبحر عساك تكون للروح بحار
أمواج قلبي في يمينك رهينه
لجلك كتبت أهواك بأصداف وأحجار
وفاض البحر للبر وأعلن حنينه



وينها ياصبر مالي غيرها لو هي تخون
شف دفاها في ضلوعي نبضها حولي يحوم
قلت وعيوني تكابر دمعها يرثي الجفون
ليتني ياحب ميت قبل ما قلبك يروم
من صغر سني أعاني ومابقى للصبر عون
رح لها ياحبي يمكن قلبها يصبح رحوم



أنت ياشيخ البهاء سيدي وعمي
تنثر أيامي عبث وتلمها
أنت همي ول يامحلاك همي
آهـ ياملح السنين وهمها
وإن خذتك مني عين ماتسمي
ألعن الدنيا وأبوها وأمها



قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
بأحرق بقايا مابقى من خطاياك
وأطوي صروح بالحشاء تعتقدها



مسكين قلب تولع يكتم أسراره
فيه الوله والشوق والنار ساجنها
مهما يخفي جروحه تفضحه ناره
قصة عذابه بوووووناته يلحنها
لا وعذاب اللي بدأ بالحب مشواره
يشرب خمور المحبة لين يدمنها



صفينا صفوة الصافي بوصفك
كما يصفى صفاء الصافي صفينا
تلامس كف كفي بكف كفك
كفوف الكف ما قالت كفينا
خفيف الدم ما لاقيت خفك
خفايا الخافي ماعنه أختفينا
أوصف كيف أبي أوصف وصف وصفك
ولو وصفت وصفك لا ماوفينا



قالت بمشي قلت عفوا"على وين
قالت بقفي قلت مرواح جدي
وش صار يعني لابغيتي تقفين
بأموت يعني لانويتي بصدي
أنا قوي الباس ماني بمسكين
وأموت في شيء أسمه تحدي
أنا العزيز ولاهمني لو تجفين
بترجع ذليل وتحب راسي ويدي



من غبت عني وخاطري دوم م**ور
في غربتي أحياك ذكرى وتذكار
أحيان أقول أنك على حق معذور
وأحيان أحس أن الجفاء ماله أعذار
وكانك تحسب الجفاء ذنب مغفور
غلطان ماتعرف للأشواق مقدار



أسوق لك ذود المدايح مغاتير
تكاثرت برياض جودك رعايا
وأسوق لك خيل الكرامه طوابير
أستوطنت ميدان مجدك سرايا
وأسوق لك صفر الدلال المباهير
بالهيل والشكر المثنى ملايا



إلى متى من دون تفكير أناديك
أحسبك عندي وأنت يابعد ممساك
لو صار شوفك صعب ماني بناسيك
ولو حال دونك يأس لا يمكن أنساك
لو عشت طول العمر بالروح بفديك
يالغالي اللي غالي الروح تفداك



حلفت أنا ما أشكي على الناس همي
إلا على رب البشر جالي الهم
وعندي خبر صفو الزمن مايتمي
لو يستمر سنين وشهور ماتم
دنيا تفرق ياولد ما تلمي
شرها يعم وخيرها خص ماعم
ياخوك أنا منها أرتفع ضغط دمي
حتى نحلت وصرت عظم بلا دم



مريت بيت للمحبين مقفول
وجابتني القدره على حد بابه
ونشدت جيرانه عسى البيت منزول
قالوا حبيبك راح لا واسفابه
وله مده بالسوق ماشيف له زول
وبابه عليه من السوافي ترابه



من مركب الحزن خذني لدنياك
اليأس حطم بالغياب أمنياتي
أفرح بذكراك كيف لا صار لقياك
تصفالي الدنيا وتضحك شفاتي
حبك تجسد في حياتي وذكراك
طول العمر بأهواك حتى مماتي



تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبلعنها وبلعن كل شخص لي يطريها



ماعاد لي دمعن عيوني تهله
من طول فرقاء اللي نحبه بكيناه
شربت كيف الهم كاسن ودله
ويا طول دربن في فراقك مشيناه
نصبر ولو كان الحشى فيه عله
والجرح يبديه الزمن لو دفناه



لا ضاق صدرك يا هوى البال ضقنا
وأن ضاقتك دنياك يا شوق أن لك
هذا الزمن طبعه من الله خلقنا
لابد مايخذلك مهما صفالك
عمر الزمن لو ما أنتهينا سرقنا
تمضي بنا الأيام لا لي ولا لك



ماهو بيده يفارقني ولا كان الفراق مناه
مشى عجل وأنا داري تباعد به مقاديره
ما جاه من الزمن يكفي وأنا والله عرفت أقصاه
عزاي إنه قبل يمشي عرف ذنبه وتقصيره



حبك بقلبي حل ما والله أنساه
حل بمحلن حل محدن يحله
وقلبي ياللي كن يبراه مبراه
وملاطفه تسعه وتسعين عله
له مده مستعصين داه ودواه
الداء حصل له والدواء ما حصله



عرفتيني قاسي وجبار ومع هذا بعد مغرور
جبل لا هزه الإعصار ولا حرك معاذيره
وأظن أن اللي جذبني لك كرامة عاشق مقهور
خذا منه الزمن واجد ولا فكر بتقديره



طبعي كذا ما أحب ألف وأدور
الله خلقني واضح في حياتي
أهوى الصراحه وأكره الكذب والزور
وحبي لغيري مثل حبي لذاتي
أقولها لو قالوا الناس مغرور
حكي العواذل مايكدر مباتي

مايجدد لوعتي وأقسى حزوني
غير عمر ضاع ماعشته معاك
لو جميع الناس في حبك جفوني
يكفي إنك مخلص لي في هواك
مايطيع القلب عذال نهوني
لو يضيع العمر كله في رجاك
صورتك بالقلب تحميها جفوني
وصورة الإخلاص جسدها وفاك



الله يصيبك لا بغيناك ما جيت
يا موت عجل خل عنك التغلي
تحدني أخذ لي قاز وكبريت
وأشعل بنفسي نار وأقرب أجلي



تخفي هواها من حياها عن الناس
تخشى عيون الناس تجرح هواها
قالت هلا وتبسمت وأشرق الماس
وتعلقت روحي بعالي سماها
الله عليها شوفها فيه نوماس
تشفي عليل النفس بسمة شفاها



أحلى كلام الغزل بشفاك يطربني
ويداعب إحساس قلبي وأتغنابه
عشاقي كثار لكن أنت معجبني
وش يعني إن كان كلن يبدي إعجابه
ماغير حبك مدوخني ومتعبني
أضيع في سيرته وأموت وأحيابه



ثلاث حروف تأسرني وتاسرني بمعروفك
ملكت الروح في طهرك وصرت الليل ومراحه
نقشت الشين شوق العين وحرف الواو بوصوفك
وتوجته بحرف القاف عذاب القلب والراحه










مع خالص الود و الاحترام